ფეხმძიმობა
 |
4 თებერვალი - 8 თებერვალი 5 აგვისტო - 13 აგვისტო |
ნატიფი, ჰარმონიული და გრაციოზული გარეგნობა გამოარჩევს ალვის ხეს გარშემო მყოფთაგან. თუმცა მის გამორჩეულ იერსახეს, თითქმის ყოველთვის თან სდევს ამ სილამაზის დაკარგვის შიში, რომელიც დროსთან ერთად ხუნდება და ფერმკრთალდება.
ალვის ხე არ არის სხვებზე დამოკიდებული, თუმცა რჩევებს ხშირად ითვალისწინებს და ზეგავლენის ქვეშაც ადვილად ექცევა ხოლმე, რაც ყოველთვის არ მთავრდება მის სასარგებლოდ.
ადვილად ისრუტავს ნეგატიურ ემოციებს და ამით სუსტდება, ამიტომ მისი წარმატება თუ წარუმატებლობა ხშირად არის დამოკიდებული იმაზე, რომ ალვის ხე არ იყოს მტრულ გარემოში, რომელსაც მის ირგვლივ შურიანი, ბოღმიანი, არაკეთილგანწყობილი და შეზღუდული აზროვნების ადამიანები ქმნიან.
ძალიან მგრძნობიარეა გარესამყაროს მიმართ, იმდენად, რომ საცხოვრებელსაც კი დიდი სიფრთხილით ირჩევს ხოლმე. ეს პროცესი მისი შინაგანი ბუნებიდან გამომდინარე, ქვეცნობიერად მიმდინარეობს, თითქმის მისტიკურ დონეზე. ამიტომ ჰარმონიის ნებისმიერ რღვევას ალვის ხე დეპრესიამდე მიყავს, ხოლო ამის მიზეზის დადგენა ხშირად არ შეუძლია.
უცნურია, მაგრამ ემოციონალური ათვისების უნარის მიუხედავად, ალვის ხეს ზოგჯერ შეუძლია იყოს მკაცრი, უხეში და ცივსისხლიანი.
უშიშარია, ამაყი, გააჩნია მახვილი თანდაყოლილი ჭკუა, რაც საშუალებას აძლევს შესანიშნავად გაუმკლავდეს რთულ პრობლემებს. აქვს მომავლის სწორად დაგეგმვისა და ძალების მართებულად განაწილების ნიჭი.
მახვილგონიერება, ბრწყინვალე ინტუიცია და უბერებელი ჭკუა საშუალებას აძლევს ზოგჯერ წარმატებას ხანდაზმულ ასაკშიც კი მიაღწიოს, როცა დაგროვილი გამოცდილება ეხმარება ემოციებთან გამკლავებაში.
ამავდროულად, გამჭრიახობისა და კრიტიკული აზროვნების წყალობით, შეუძლია მიაღწიოს ჭეშმარიტ დამოუკიდებლობას, რომელზეც ქვეცნობიერად ოცნებობს მთელი ცხოვრების განმავლობაში და ამ შემთხვევაში ნამდვილად ბედნიერად გრძნობს თავს.
სასიყვარულო ურთიერთობებში ალვის ხესთან ჰარმონიის მიღწევა ძალიან რთულია, რადგან ისეთი ადამიანი, რომელიც ბოლომდე აკმაყოფილებს მის მოთხოვნებს, ფაქტიურად არ არსებობს.
გადაჭარბებული მგრძნობიარობის გამო, იგი შეიძლება მოთმინებიდან ელემენტალურმა საკითხმაც კი გამოიყვანოს. მის სასიყვარულო ურთიერთობებებს ხშირად ცვლის ჩაკეტილობა, გულჩათხრობილობა და ზოგჯერ ბოროტი ირონიაც.
თუმცა ახერხებს ემოციებისა ამბიციების კონტროლსაც, ამ შემთხვევაში მასთან თანაცხოვრება სიამოვნების მომტანიც კია.
ამიტომ ალვის ხე ან მთელი ცხოვრების განმავლობაში ეძებს იდეალურ პარტნიორს, ან ურიგდება ფაქტს, რომ მის საყვარელ ადამიანს შეიძლება ქონდეს უარყოფითი თვისებები და შემდეგ საკუთარ თავს ადანაშაულებს არასწორად გაკეთებული არჩევანის გამო.
