(1 დეკემბერი - 7 იანვარი)
ძველბერძნული მითოლოგიის მიხედვით, მინოტავრი ურჩხულია ადამიანის ტანითა და ხარის თავით, რომელიც შვა პასეფაემ, ღმერთი ჰელიოსის ქალიშვილმა პოსეიდონის მიერ გაგზავნილი ხარისგან (მეორე თქმულების თანახმად თავად პოსეიდონისგან).
იგი კუნძულ კრიტზე ცხოვრობდა, მიწისქვეშა ლაბირინთში, სადაც მსჯავრდებულებით იკვებებოდა, გარდა ამისა, მას ყოველწლიურად მსხვერპლად სწირავდენენ შვიდ ახალგაზრდა ვაჟსა და ქალს, რომელთაც მინოტავრი ჭამდა. ეს იყო ათენელების სასჯელი კრიტის მეფე მინოსის ვაჟის მკვლელობის გამო.
მისი მორიგი მსხვერპლი, საკუთარი სურვილით, უნდა გამხდარიყო უფლისწული თესევსი, რომელიც კრიტზე მისვლის შემდეგ, შეუყვარდა მინოსის ქალიშვილს არიადნას. იგი დაპირდა თესევსს დახმარებას, თუ უფლისწული დათანხმდებოდა მის ცოლად შერთვას და თან წაიყვანდა ათენში. თესევსი დათანხმდა და ფიცი დადო, არიადნამაც მას ლაბირინთში მხლებელი გააყოლა, რომელმაც თესევსს ძაფი მისცა, რომელიც მან კარზე მიაბა და ისე გაჰყვა ლაბირინთს, რომლის ბოლოს თესევსი თავს დაესხა და მოკლა მინოტავრი, უკან კი ისევ ძაფის დახმარებით დაბრუნდა.
ადამიანი - მინოტავრი, თავისი ცხოველური საწყისის მონაა, იგი ყოველთვის სხვაზეა დამოკიდებული, არ გამოირჩევა ლიდერის თვისებებით და მუდამ უჭირს გადაწყვეტილებების დამოუკიდებლად მიღება. ადვილად ექცევა ცუდი ზეგავლენის ქვეშ. მისი მართვა ადვილია. იგი ხშირად ხდება იარაღი სხვა, ჭკვიანი ბოროტმოქმედების ხელში.