ფრანგული წითელი ღვინო. ყოველმხრივ სუსტი ღვინოა. მკრთალი მოწითალო ფერი აქვს, სურნელი არცთუ ისე გამოკვეთილი, საოცრად მჟავე გემოსია, რაც ფრანგულ ღვინოებს ნაკლებად ახასიათებთ: მიმწოდებელი ორგანიზაციაა “ეტს კამივე-კოპფი” (საკომისიო ფირმა). სახელწოდება “გრანდ ვენ დე ფრანსი”, ე. ი. “საფრანგეთის დიდი ღვინო”, ჩვენი აზრითა და წარმოდგენით, სრულებით არ შეეფერება სინამდვილეს. ასეთი მყვირალა და დაუმსახურებელი სახელი არ საჭიროებს ღვინის სპეციალისტთაგან დიდ ცოდნას, რათა გაარკვიონ მისი ავ-კარგი.

ისე კი ბევრჯერ გვსმენია მათი საერთო აზრი: ამ სასმელმა ვერ გაამართლა თავისი დანიშნულება და დიდი სახელი, თუმცა საკმაოდ დიდი რაოდენობით მზადდება და იყიდება კიდეც. ისე კი უნდა ნახოთ რა არაჩვეულებრივ ბოთლშია ჩასხმული და რა მიმზიდველადაა გაფორმებული. ეს გარემოებაც, ალბათ, გამომწვევად მოქმედებს მყიდველზე და იძულებულს ხდის აუგად არ მოიხსენიოს “გრანდ ვენ დე ფრანსი”.