შიშის და სიხარბის ინდექსი

რა არის შიშის და სიხარბის ინდექსი

შიშის და სიხარბის ინდექსი არის განწყობის ინდიკატორი, რომელიც აჩვენებს, თუ რომელი ემოციაა კრიპტო ბაზარზე დომინანტი - შიში თუ სიხარბე.

შიშის და სიხარბის ინდექსს აქვს დიაპაზონი 0-დან 100-მდე.

ინდექსის დაბალი მაჩვენებელი მიუთითებს შიშზე, რაც იწვევს აქტივების გაყიდვას და კრიპტო ბაზრის დაცემას. მაღალი მაჩვენებელი კი ოპტიმისტური განწყობის ნიშანია, როცა მომხმარებლები მიდრეკილნი არიან შეიძინონ ციფრული აქტივები, რასაც შესაბამისად მოჰყვება ბაზრის ზრდა.

ინდექსის მნიშვნელობა

0-დან 24-მდე, მიუთითებს იმაზე, რომ ბაზარზე დომინირებს „ექსტრემალური შიში“;

25-დან 49-მდე დიაპაზონი „შიშის“ ნიშანია.

50 +- ასახავს ნეიტრალურ მდგომარეობას.

51-დან 74-მდე დიაპაზონი „სიხარბის“ მაჩვენებელია.

75-დან 100-მდე ქულა კი „ექსტრემალურ სიხარბეზე“ მიუთითებს.

ინდექსის გამოსათვლელად გამოიყენება ისეთი პარამეტრები, როგორიცაა ბაზრის ვოლატილურობა, მოცულობა და დინამიკა, სოციალურ ქსელებში არსებული განწყობა, ბაზარზე აქტივების დომინირება და Google-ის საძიებო მოთხოვნების ანალიზი.

შიშისა და სიხარბის ინდექსი ისტორიული კორელაციის თვალსაზრისით მუშა ინსტრუმენტია.

ზოგადად თუ წარსულს გადავხედავთ, აქტივების შეძენა უმჯობესია მაშინ, როცა ბაზარზე შიში ან ექსტრემალური შიშია გამეფებული, ხოლო გაყიდვა, როცა ბაზარზე სიხარბის ან ექსტრემალური სიხარბის მაჩვენებელი ჭარბობს და არა პირიქით, უკვე გაზრდილ ბაზარზე აქტივების ყიდვა და დაცემულ ბაზარზე წაგებით გაყიდვა.

თუმცა წარსულში ყველა გრაფიკები ყოველთვის კარგად მუშაობდა, ხოლო რა იქნება მომავალში, არავინ იცის...

ფომო / FOMO (Fear of Missing Out) - ხელიდან გაშვებული მოგების (სარგებლის) სინდრომი