იაკობ გოგებაშვილი - საკუთარი თავის წყევლა

ხარს ურმისთვის თავი დაეღწია და გარბოდა. ქუდ-მოგლეჯილი მეურმე უკან მისდევდა და მისძახოდა: „სად მიხვალ, შე ოხერ-ტიალოო!“ 

მგზავრმა კითხა მეურმეს: 

- ძმობილო, ვისია ის ხარიო?

- ჩემიაო, - უპასუხა მეურმემ.

- კაცო, მაშ რად სწყევლი შენს თავსო? - უთხრა მგზავრმა. 

- როგორ თუ ვწყევლიო?

- როგორ და ისე, რომ ის ხარი ოხერი და ტიალი მაშინ იქნება, როცა შენ მოკვდებიო.