ფეხმძიმობა
საქართველოში ბამბა მხოლოდ იმერეთის მხარეში მოდის. ქართლისა და კახეთის სიცივეს ბამბა ადვილად ვერ იტანს, ამიტომ აქ იშვიათად თესავენ. საზოგადოდ ბამბას თბილი ადგილი უყვარს. ბამბას გაზაფხულზე თესავენ და შემოდგომაზე კრეფენ.
ბამბა სიმაღლით თითქმის ერთის ადლი (თითქმის ერთი მეტრი) იზრდება. რაც უფრო მეტი ტოტები აქვს, იმდენად უფრო ბევრს პარკს ისხამს. ბამბის პარკი დიდი კაკლის ზომაა. როცა პარკი დამწიფდება, მისი პირი გასკდება ამ და ამ პირიდან ბამბა თეთრი თოვლივით საამურად გადმოიშლება.
ყველა პარკები ერთდროულად არ მწიფდება: ჯერ მწიფდება ქვედა, ხოლო შემდეგ ზედა ტოტების პარკები. ამიტომ ბამბის მოკრეფა ერთს დროს არ შეიძლება. ჯერ ქვედა დამწიფებულ პარკებს კრეფენ და მერე ზედა ტოტების პარკებს. პარკის შუაგულში თესლია გამოხვეული. ამ თესლს სპეციალური ხის ხელსაწყო - ჩიხრიხით აშორებენ. თესლის მოშორების შემდეგ ბამბა გასაყიდად ქალაქში მიაქვთ.
ზოგ ბამბას ისე პირდაპირ მოიხმარენ: ქვეშ უდებენ საბნებს, ახალუხს და სხვა ტანისამოსს, მაგრამ უმეტესად კი ძაფად ართავენ. ზოგ ძაფს საკერავისთვის იყენებენ, ზოგს წინდებისთვის; უფრო კი ძაფიდან ქსოვენ სხვადასხვა ბამბეულს: ჩითს, მიტკალს, ამერიკას და სხვებს. თითქმის ნახევარი ტანისამოსი ბამბისგან იკერება. ძნელად მოიძებნება კაცი, რომ ტანზე ბამბის არაფერი ეცვას.
ასე სასარგებლოა ბამბა ადამიანისთვის.
