ფეხმძიმობა
ზამთარში, როცა წყლის ორთქლი თბილი ჰაერიდან ძლიერ ცივ ჰაერში გადავა, ნამად გადაქცევას ვეღარ ასწრებს და უცებ იყინება.
ზამთრის ღრუბელი შედგება იმისთანა გაყინული ორთქლისაგან, რომელიც ჯერ მსუბუქია, მაგრამ შემდეგ მისი ნაწილები ერთმანეთთან ერთდება, მძიმდება და დედამიწაზე თეთრი კრისტალების (ფანტელების) სახით ცვივდება.
მაშინ ვამბობთ: თოვლი მოდისო!
თოვლს ექვს-კუთხიანი ვარსკვლავის სახე აქვს. რამდენადაც უფრო ცივია ქვეყანა, იმდენად უფრო ბევრი თოვლი მოდის. ამიტომ ჩრდილოეთის მხარეში დიდი თოვლი იცის და ბევრს ხანსაც გასტანს ხოლმე.
თოვლს სქლად სდებს მაღალს მთებზეც. თუ მთა ძლიერ მაღალია, მაშინ იქ ზაფხულშიც არ დნება თოვლი, როგორც, მაგალითად, ჩვენს კავკასიონის ქედზე.
