ფეხმძიმობა
სეტყვა მარტო გაზაფხულზე და ზაფხულში მოდის, უფრო მაშინ, როდესაც ძლიერ ცხელა. სეტყვა ჩნდება შემდეგი სახით: როცა მაღლა ღრუბლებიდან წვიმა წამოვა და გზაზე დაუხვდება ძლიერ ცივი ჰაერი ან ქარი, მაშინ წვიმის ნამები იყინება და დედამიწაზე სწრაფად, რახა-რუხით ცვივა.
რაც უფრო მხვილი წვიმა მოდის ციდან, იმდენად უფრო მსხვილი სეტყვა ჩნდება. კაკალზე მოზრდილი სეტყვა ჩვენთან იშვიათია, მაგრამ ზოგიერთ ქვეყნებში ზოგჯერ ქათმის კვერცხის ოდენა სეტყვას ყრის. სეტყვა საშინლად აოხრებს ყოველგვარ მოსავალს და დიდს ზარალს აყენებს მხვნელ-მთესველს. სეტყვა ზოგჯერ ფრინველსაც ბევრს ხოცავს.
კიდევ კარგი, რომ სეტყვა დიდი ხნით არ მოდის და რამდენიმე წამის ან წუთის შემდეგ გადაივლის ხოლმე.
სეტყვის ღრუბელი ადვილი გამოსაცნობია: მას აქვს თეთრი ან მუქი ნაცრისფერი ფერი, გვერდები ოღრო-ჩოღრო, თითქოს ვინმეს გამოუგლეჯიაო. სეტყვის ღრუბელი დაბლა მოძრაობს და ცას ძლიერ აბნელებს.
სეტყვის მოსვლის წინ ისმის ერთნაირი შხუილი და მას ყველთვის თან მოსდევს ქარიშხალი, ელვა და ჭექა-ქუხილი.
სეტყვა ყოველთვის დღისით ჩნდება, ღამით კი ძალიან იშვიათად მოდის.
