ფეხმძიმობა
თუ ღამე ისე ცივა, რომ მიწა და მცენარეები სითბოს სრულიად კარგავს, მაშინ ნამი გაიყინება და გაჩნდება რთვილი. მაშასადამე, რთვილი ყოფილა გაყინული ნამი.
რთვილს გაზაფხულზე, შემოდგომაზე და ზამთარში ვხედავთ, იმიტომ რომ მხოლოდ ამ დროს იცის ცივი ღამეები. რასაკვირველია, რთვილიც ნამივით მხოლოდ იმისთანა ღამეში ჩნდება, როცა ცა მოწმენდილია; ქარიან და ღრუბლიან ღამეში, ისევე როგორც ნამი, რთვილიც არ ჩნდება ხოლმე.
რამდენადაც უფრო ბევრს სითბოს კარგავს საგანი და უფრო ცივდება, იმდენად უფრო ხშირი რთვილით დაიფარება ხოლმე. მაგალითად: ხეები, ბალახი და თვითონ მიწა.
უფრო მაღლა არის აშვებული მცენარეების ნაწილები, იმდენად უფრო მეტი რთვილი დაიდება მათზე. როცა შემოდგომაზე რთვილი თავის დროზე ჩნდება, ზოგს მცენარეს ძლიერ არგებს; მაგალითად: კომბოსტოს, გოგრას, კარტოფილს და სხვებს.
თუ გაზაფხულზე ცამ რთვილი გვიან გააჩინა, ხეხილის კოკორს და ყვავილს დასუსხავს, დააჭკნობს და მოსავალს გააფუჭებს.
