ედუარდ უგულავა - რა შეგაშინებს

აქვს უცნაური განცდა სიბერეს,

მკერდზე მობჯენილ ცივი ლულების...

ტანზე ჯირითით გადაგირბენენ

მერნები, ფლოქვებდანალულები.

წვავს ჰაერს გემო გასროლილ მასრის,

ცდილობს საუბარს სული სხეულთან...

ეს ტკივილია - მზის წითლად ჩასვლის

და სევდა - ცერზე წამოწეულთა.

მოსრისავ ხელში ფოთოლს სილიანს

და შეგიმჭვარტლავს დარდი სამშვინველს,

მაგრამ თუ გიყვარს - ნუ გეშინია!

თუმცა თუ გიყვარს - რა შეგაშინებს?!