ტარიელ ხარხელაური - გული-გული ასაფრენად იწევს...

გული, გული ასაფრენად იწევს.

მთები, ჩამოუთოვლია მთები.

სივრცე, შეშფოთებულია სივრცე.

ფრთები, აღარა მაქვს, ფრთები.

მზეო! რა მკრთალად ანათებ ისევ, 

წლები, რა ჩქარა მიდიან წლები.

სივრცე, შეშფოთებულია სივრცე.

ფრთები, ფრთები აღარა მაქვს, ფრთები.

ქარი, ქარი კვლავ სათარეშოდ მიწევს.

ვკრთები, ახლა უფრო ხშირად ვკრთები,

სივრცე, ო, როგორ შორდება სივრცე,

ფრთები, გადამტვრეულია ფრთები.