ოთარ ჭელიძე - ახალ მებოძორში...

ზღვაში თბომავლები მიმოდიან

გრძელი სიგარების აფუვლებით,

ბოლოს იძინებენ იოდიან

წყალში სანახევროდ ჩაფლულები.

და ჩვენც - მიმავალი ბიძიები

ვსერავთ ბილიკებით ამასოფელს,

მღვრიე ჟამთასვლაში ვიძირებით,

მაგრამ სანახევროდ - არასოდეს.

წავალთ დაყურსულნი, დაქსაქსულნი

ტვინის უსასრულო ნაოჭებით

და არ გვეღირსება დასასრული

ახალ მებოძირში აღმოვჩნდებით.