ჯემალ ქათამაძე - ლამაზი ქალი

ლამაზი ქალი მაინც სხვისია

რა გინდ სინდისი ჰქონდეს ანკარა

მისკენ ოცნებით ვარდებს ისვრიან

და ჟრუანტელის დგება თაკარა.

იგი ბოლომდე ქმრის ერთგულია

ეს ერთგულებაც ვთქვათ რომ გასწიროს

ბოლოს და ბოლოს ერთი გული აქვს

სუყველას როგორ გაგვინაწილოს.

ლამაზი ქალი არის ზღაპარი

მუდამ კეთილად რომ გვაგონდება

ლამაზი ქალი არის სიზმარი

იგი არასდროს განმეორდება.

დიდებულია მისი ღიმილი

არ ვიცით კოცნას რომელს გვარგუნებს

ლამაზი ქალი მზე და მთვარეა

არ მიეკარო გაგანადგურებს.