ტარიელ ჭანტურია - გრეტა გარბო და ედგარ პო...

გრეტა გარბო და ედგარ პო

ესაუბრებიან კარპოვს,

კვაზიმოდოც იქვე ახლავთ -

უწამწამო და უწარბო.

ასე უთქვამს ზღვაში ნელსონს -

საქმეს ვიზამ საშინელსო,

უკვირს განდის-ამერიკა

მიეალერსა ჩინელსო.

ხან მშვენიერ გრეტა გარბოს,

ხან დიდებულ, დიდ ედგარ პოს

ვევედრები-ჩქარა, ჩქარა,

დრო, ხომ ხედავთ, როგორ გარბის!

ახ, სიკვდილო, ძუნწო, ხარბო,

რად მოკალი, რად, ედგარ პო?

რას ერჩოდი გრეტა გარბოს?

კასპაროვი უგებს კარპოვს!