მარიამ წიკლაური - ჭიამაია

ჭია-ჭიამაია - პაწაწინა მწერი.

ყველა, ვინც მას პოულობს,

სიხარულით მღერის:

“ჭია-ჭიამაია, ხვალ როგორი დარია?

ავდარია? დარია? გვითხარ, ჭიამაია.”

ის კი ჩუმად გვპასხობს: 

- არ მატკინოთ გვერდები,

კაბა არ დამიხიოთ, 

როცა მომეფერებით.

ფრთებზე შემოვიხვიე

დაწინწკლული მარმაში,

აი, რა ლამაზი ვარ

კოპლებიან კაბაში.

არასდროს მისწავლია

დარ-ავდრების პროგნოზი,

ყვავილები მიყვარს და

ლურჯ ცაზე - მზე, ოქროსი.