თავსატეხი ამოცანები და უცნაური ხუმრობები (ნაწილი 2)

1. ძაღლების გამოფენაზე

ძაღლების გამოფენაზე მოიყვანეს 101 დალმატინელი.

მათგან:

56-ს შავი ლაქა მხოლოდ მარცხენა ყურზე ჰქონდა;

15-ს - მხოლოდ მარჯვენაზე,

29 კი საერთოდ თეთრყურა იყო.

რამდენ ძაღლს ჰქონდა ორივე ყური ლაქებიანი?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

2. საფეხბურთო გუნდი

საფეხბურთო გუნდმა 31 მატჩი ჩაატარა, აქედან 7 დაამთავრა ფრედ.

ამასთან, გუნდმა სულ 64 ქულა მოაგროვა (სამი ქულა - მოგებისთვის, ერთი ქულა - ფრედ დამთავრებისთვის და ნული ქულა - წაგებისთვის).

რამდენი მატჩი წააგო გუნდმა?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

3. რამდენი ციფრია საჭირო?

ერთი მეცნიერის შრომა დაწერილია 328 ფურცელზე.

რამდენი ციფრი უნდა დაიწეროს, რომ ეს შრომა დავნომროთ?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

4. ბავშვების რაოდენობა

ბავშვების რა უმცირესი რაოდენობა შეიძლება იყოს ოჯახში, თუ ყოველ ბავშვს ჰყავს 1 და მაინც და 1 ძმა მაინც?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

5. საპირისპირო მოქმედება

იმის ნაცვლად, რომ აკაკის რიცხვისთვის მიემატებინა 27, მან გამოაკლო 27.

რამდენით განსხვავდება მისი მიღებული პასუხი ნამდვილისაგან?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

6. ურჩხულიდან ჭინკამდე

ურჩხულიდან კუდიანი დედაბრის სახლამდე სამი გზა მიდის, ხოლო კუდიანი დედაბრის სახლიდან ჭინკამდე - ორი.

რამდენგვარად შეიძლება მიხვიდე ურჩხულიდან ჭინკამდე ისე, რომ შეიარო კუდიან დედაბერთან?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

7. ბურატინო

ბურატინოს სიმაღლე 1 მეტრია, ხოლო, მისი ცხვირის სიგრძე ადრე 9 სმ. იყო. ყოველთვის, როცა ბურატინო ტყუოდა, მისი ცხვირის სიგრძე ორმაგდებოდა.

როცა მისი ცხვირის სიგრძემ მისსავე სიმაღლეს გადააჭარბა, ბურატინომ ტყუილებს თავი დაანება.

რამდენჯერ იცრუა მან?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

8. ქეთის ბაბუა

როცა თავის ბაბუაზე ჰყვება, ქეთი ყოველთვის ცდილობს მოიხსენიოს იგი ახლებურად: „მამაჩემის ძმის მამა“, „ჩემი ძმის მამის მამა“, „ჩემი ძმის მამის ძმა“, „მამაჩემის მამის ძმა“.

რამდენჯერ შეცდა ქეთი (ყველა ძმა ღვიძლია!)?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

9. კატა, თაგვი და ყველი

წვიმის დროს კატა ზის სარდაფში ან ოთახში.

თუ კატა ოთახშია, მაშინ თაგვი სოროში ზის, ხოლო ყველი მაცივარში დევს.

თუ ყველი დევს მაგიდაზე და კატა სარდაფშია, მაშინ თაგვი ოთახშია.

—  —  —  —  —  —  —  —  —  —  —  —  —  —  —  —  —  —  —  —  —  —  —  —

10. ექიმი აიბოლიტი და ნიანგი დანდი

ექიმმა აიბოლიტმა ნიანგ დანდის 3 აბი მისცა და ურჩია, ყოველ 20 წუთში თითო აბი მიეღო.

რამდენ წუთში მიიღებს დენდი უკანასკნელ აბს?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

11. ავტობუსში

თავდაპირველად ავტობუსში 18 მგზავრი იყო. ყოველ შემდგომ გაჩერებაზე 4 კაცი ჩადიოდა, ხოლო 6 ამოდიოდა.

რამდენი მგზავრი იქნებოდა ავტობუსში მეოთხე და მეხუთე გაჩერებას შორის?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

12. მუზეუმში

მესამეკლასელები ემზადებოდნენ მუზეუმში წასასვლელად. მასწავლებელმა ისინი სამ მწკრივად დააწყო, თითოეულ რიგში სამ - სამი მოსწავლით. ყველა რიგი სრულად შეივსო.

კოტიკო თავის ორ ამხანაგთან ერთად აღმოჩნდა მწკრივის დასაწყისიდან მეშვიდე რიგში, ხოლო მწკრივის ბოლოდან - მეხუთეში.

სულ რამდენი მოსწავლე წასულა მუზეუმში?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

13. რიცხვი 2000

რიცხვი 2000 შეიძლება მივიღოთ რამდენიმე ორიანისა და რამდენიმე ხუთიანის გადამრავლებით.

რამდენი ორიანი და რამდენი ხუთიანი არის ამისთვის საჭირო?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

14. მოხუცი ჯუჯის განძი

მოხუცმა ჯუჯამ თავისი განძი კედელთან მდგარ 3 სხვადასხვაფერ სკივრში ჩაალაგა.

ერთში - ძვირფასი ქვები, მეორეში - ოქროს მონეტები, მესამეში - მაგიური წიგნები.

მას ახსოვს, რომ: წითელი სკივრი მარჯვნივაა, ვიდრე ძვირფასი ქვები;

მაგიური წიგნები მარჯვნივაა, ვიდრე წითელი სკივრი.

რომელ სკივრში ძევს მაგიური წიგნები, თუ მწვანე სკივრი დგას უფრო მარცხნივ, ვიდრე ლურჯი?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

15. კატების შოუ - წარმოდგენა

14 კატა შოუ - წარმოდგენაში მონაწილეობს. მათ შორისაა დედა კატები და კნუტები.

თითეული დედა კატა, წარმოდგენაზე სულ ცოტა ორი კნუტით მივიდა.

რას შეიძლება უდრიდეს წარმოდგენაში მონაწილე დედა კატების უდიდესი რიცხვი?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

16. მარკები კოლექციისათვის

მამამ კოლექციისათვის 4 - ფრანგული, გერმანული, ბულგარული და პოლონური მარკა იყიდა.

ფრანგული მარკის გარეშე ნავაჭრის ფასი 40 ფრანკია, გერმანული მარკის გარეშე - 45 ფრანკი, ბულგარულის გარეშე - 44 ფრანკი და პოლონურის გარეშე - 27 ფრანკი.

რა ღირს პოლონური მარკა?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

17. სკოლის ეზოში

სკოლის ეზოში 19 გოგონა და 12 ვაჟია.

სულ მცირე, კიდევ რამდენი მოსწავლე უნდა შეუერთდეს მათ, რომ შესაძლებელი გახდეს მათი ისეთ 6 ჯგუფად დაყოფა, რომლებშიაც მოსწავლეთა

რაოდენობა თანაბარი იქნება?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

18. 10 ლიტრიან ბოცაში

10 ლიტრიან ბოცაში ჩაასხეს 6 ლიტრი წყალი, შემდეგ კიდევ დაამატეს 6 ლიტრი.

სულ რამდენი ლიტრი წყალი იქნება ბოცაში?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

19. კოტიკო და ლევანი

ლევანი დაიბადა კოტიკოს დაბადებიდან სამი წლის შემდეგ.

რამდენი წლის გახდება ლევანი, როცა კოტიკო მასზე ორჯერ უფროსი იქნება?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

20. 4 სანთელი

ნინოს აქვს 4 სანთელი. თითოეული სანთლის მთლიანად დაწვას 3 საათი სჭირდება.

ამ სანთლებიდან ნინომ 2 აანთო. 30 წუთის შემდეგ ქარმა დაუბერა და ჯერ ერთი სანთელი ჩააქრო, ხოლო ერთი საათის შემდეგ - მეორეც. ნინომ გადაწყვიტა ოთხივე სანთელი აენთო.

ამ მომენტიდან რა დრო დასჭირდება ბოლო სანთლის დაწვას, თუ ქარი აღარ დაუბერავს?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

21. სკოლაში

საბა სახლიდან გავიდა დილის 7 საათსა და 55 წუთზე და სკოლაში მივიდა 8 საათსა და 32 წუთზე.

მისი მეგობარი ლაშა სკოლაში მხოლოდ 8 საათსა და 45 წუთზე მივიდა, თუმცა, იგი სკოლასთან უფრო ახლოს ცხოვრობდა, ვიდრე საბა და სკოლაში მისასვლელად 12 წუთით ნაკლები სჭირდებოდა.

რომელ საათზე გამოვიდა ლაშა სახლიდან?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

22. რამდენს იწონის?

სურათზე მოცემული „ კონსტრუქცია“ იწონის 189 გრამს.

რამდენს იწონის ერთი კუბი?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

23. სპორტულ შეჯიბრში

სპორტულ შეჯიბრში 28 ბავშვმა მიიღო მონაწილეობა. იმ ბავშვთა რაოდენობა, რომლებიც ფინიშთან ბაქარის უკან აღმოჩნდნენ, ორჯერ მეტია იმ ბავშვებთან შედარებით, რომლებიც ფინიშთან ბაქარის წინ იმყოფებოდნენ.

რომელ ადგილზე გავიდა ბაქარი?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

24. კენგურუს ოჯახი

კენგურუს დედ-მამას ჰყავს 3 პატარა გოგონა - კენგურუ. ყოველ გოგონა - კენგურუს ჰყავს ორი კენგურუ - ძმა.

სულ რამდენი წევრია კენგურუების ამ ოჯახში?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

25. რომელ დღეს იყო ჩემი დაბადების დღე?

წლეულს, ჩემი დაბადების დღიდან ერთი დღის შემდეგ, სწორი იქნებოდა გვეთქვა: „ზეგ ხუთშაბათია“.

რომელ დღეს იყო ჩემი დაბადების დღე?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

26. სასტუმროს ნომრები

ზაფხულის სამი თვის განმავლობაში სასტუმროში დაკავებული ნომრები შეადგენს საერთო რაოდენობის 88 % - ს, ხოლო სხვა თვეებში - 45 % - ს.

წლის განმავლობაში სასტუმროს რამდენი პროცენტია დაკავებული საშუალოდ?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

27. ვხატავთ დათუნიებს

სოფიკო ხატავს დათუნიებს: ჯერ ლურჯს, შემდეგ - მწვანეს, შემდეგ - წითელს, შემდეგ - შავს, შემდეგ - ყვითელს, შემდეგ ისევ ლურჯს, მწვანეს, წითელს, შავს და ა. შ.

რა ფერის იქნება მე - 17 დათუნია?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

28. სკამების რაოდენობა სამასწავლებლოში

სამასწავლებლოში დგას 6 მაგიდა - თითოეული 4 სკამით, 4 მაგიდა - თითოეული 2 სკამით და 3 მაგიდა - თითოეული 6 სკამით.

სულ რამდენი სკამია სამასწავლებლოში?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

29. რამდენი ვაშლი შეუგროვებია ზღარბს?

ზღარბმა შესჩივლა თავის მეგობრებს: „იმაზე ორჯერ მეტი ვაშლი რომ შემეგროვებინა, რაც სინამდვილეში შევაგროვე, 24 ვაშლით მეტი მექნებოდა, ვიდრე ახლა მაქვს“.

რამდენი ვაშლი შეუგროვებია ზღარბს?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

30. რამდენი ლურჯი კუბია გამოყენებული?

ერთი და იგივე ზომის წითელი და ლურჯი კუბებისგან საბამ ააგო 5 * 4 ზომის დიდი კუბი, რომელიც გარედან სულ წითელია, ხოლო ყველა შიგნით გამოყენებული კუბი - ლურჯი.

რამდენი ლურჯი კუბი გამოიყენა საბამ?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

31. დაც და ძმაც

ჯგუფში 29 მოსწავლეა. მათ შორის 18 - ს ჰყავს ძმა, 12 - ს - და. ბაქარს, ლაშასა და ალექსის არც ძმა ჰყავთ და არც და.

რამდენ ბავშვს ჰყავს ამ კლასში დაც და ძმაც?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

32. კალათბურთის ბურთი

ბექას სურვილი აქვს, იყიდოს კალათბურთის რამდენიმე ბურთი. მან რომ ხუთი ბურთი იყიდოს, საფულეში 10 ევრო დარჩება; 7 ბურთის ყიდვა რომ მოინდომოს, 22 ევროს სესხება მოუწევს.

რა ღირს კალათბურთის ერთი ბურთი?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

33. გამოითვალე წიგნის გვერდები

რამდენი გვერდი აქვს წიგნს, თუ მისი ყველა გვერდის გადასანომრად საჭიროა 35 ციფრის გამოყენება?

—  —  —  —  —  —  —  —  —  —  —  —  —  —  —  —  —  —  —  —  —  —  —  —

34. სათამაშოების მაღაზიაში

სათამაშოების მაღაზიაში ერთი ძაღლი და სამი დათვი იგივე ღირს, რაც ოთხი კენგურუ. სამ ძაღლსა და ორ დათვსაც იგივე ფასი აქვს, რაც ოთხ კენგურუს.