ფეხმძიმობა
ერთი კაცი მივიდა ყასაბთან, უთხრა: ძმაო, ფული ეხლა არა მაქვს, ერთი ცხვრის ფეშხო (ხერხემალზე გაჭრილი ნახევარი) მომეცი და საფასურს ხვალ გადაგიხდიო.
ყასაბმა უთხრა:
- შენ არ გეკადრება სისხლიანი ხორცი ხელში დაიჭირო და შინ ისე წახვიდე; მიდი სახლში, ერთის მონის ხელით შენის თმის ბეწვი გამომიგზავნე, ვინიშნებ და გამოგიგზავნიო.
წავიდა ის კაცი და ერთი მონის ხელით თმის ბეწვი გამოუგზავნა. მიუტანა მონამ ყასაბს თმის ბეწვი და უთხრა: იმ კაცმა გამოგიგზავნა ნიშნად ბეწვი და ხორცი გთხოვაო.
ყასაბმა უთხრა:
- ვაჟო! თავადაც აქ იყო, წვერიცა და ულვაშიც ზედ ესხა, არამც თუ თმის ბალანი, და ერთი გამოსაცოხნიც არ ვაჭამე, ახლა თმის ერთი ბალნით ბევრი რად გავუგზავნოო?
სულხან-საბა ორბელიანი - იგავ-არაკები - ადაპტირებული ტექსტი
